Legjenda e muzikës, Bob Dylan, raportohet se i ka dhënë një 12 vjeçareje drogë dhe alkool para se ta abuzonte seksualisht në apartamentin e tij, në Hotel Chelsea në vitin 1965, sipas një padie të re.
Padia u ngrit të premten e kaluar në Gjykatën Supreme të New Yorkut, ndërkohë që zëdhënësi i Dylan i tha BBC se ‘pretendimi i 56-vjeçares është i pavërtetë’.
Abuzimi i pretenduar nga këngëtari dhe kompozitori i këngës “Like a Rolling Stone” tani 81-vjeçar ndodhi shumë herë, dhe disa nga incidentet ndodhën në hotelin e famshëm Chelsea, pretendon padia.
Akuzuesja JC thotë se efektet emocionale të abuzimit kanë qenë afatgjata dhe se asaj i është dashur të kërkojë trajtim mjekësor për to, sipas dosjes.
Pasojat që ajo pësoi – përfshijnë depresionin, poshtërimin dhe ankthin – ‘janë të një natyre të përhershme dhe të qëndrueshme’.
JC ngriti akuza për sulm, bateri, burg të rremë dhe shkaktim shqetësimi emocional kundër Dylan. Ajo po kërkon dëmshpërblim të papërcaktuar dhe gjykim me jurinë.
Zëdhënësi i Dylan i tha The Post të hënën, “Ky pretendim i 56-vjeçares është i pavërtetë dhe do të mbrohet me forcë”.
Dylan ndryshe ka shitur më shumë se 125 milionë albume në të gjithë botën gjatë një karriere që zgjati gjashtë dekada.
Në 2016, atij iu dha ‘Çmimi Nobel’ në Letërsi, duke u bërë kompozitori i parë që fitoi çmimin prestigjioz. /Telegrafi/
