Kompania Blue Origin fundjavën e kaluar ka dërguar ekuipazhin e tretë me radhë në një udhëtim në hapësirë.
Gjashtë anëtarët që ishin nisur, në mesin e tyre edhe Michael Straham, Laura Shepard Churchley (vajza e madhe e Alan Shepard, amerikanit të parë që udhëtoi në hapësirë me raketën Neë Shepard), transmeton Telegrafi.
Lansimi është regjistruar nga Van Horn në Teksas, e tërë fluturimi ka zgjatur pak më shumë se 10 minuta – përfshirë rikthimin në Tokë.
Në kapsulën e re të vendosur në maje të një rakete, ekuipazhi i New Shepard u ngjit në një lartësi prej 100 kilometrave, që konsiderohet kufiri me hapësirën.
E pasi që shijuan “peizazhin” për disa minuta, ata u rikthyen në Tokë duke ateruar në shkretëtirën e Teksasit. Vetë raketa New Shepard gjithashtu është rikthyer në pozitën që ishte para se të ngjitej në ajër.
E pjesë e ekuipazhit ishte edhe Evan Dick, inxhinieri dhe investitori Lane Bass dhe themeluesi i kompanisë Bess Ventures and Advisory që mori me vete të birin Cameron Bass sikurse Dylan Taylor, drejtor i kompanisë Voyager. /Telegrafi/
