Në videon shokuese të publikuar më poshtë, është regjistruar momenti kur shitësin e veturave në Kanada hajnat për pak sa nuk e mbysin – fillimisht duke e mbajtur të varur mbi kapakun e motorit derisa mjeti po lëvizte me shpejtësi të madhe.
Në fillim të marsin, dy blerës kishin lutur shitësin Moa Al-Kaisi që t’ua tregojë një veturë të tipit BMW. Ai ndezi veturën nga distanca me telekomandë, por nuk priti që blerësi që ishte ulur brenda mjetit do ta shtyp pedalin e gazit dhe do t’ia mësyjë atij, transmeton Telegrafi.
Vetura godet shitësin, duke e detyruar të qëndroj mbi kapakun e motorit. E sikur kjo të mos mjaftonte, ai u “shëtit” për më shumë se një kilometër duke qëndruar mbi veturë.
“Hajni tërë kohën lëvizte me veturë, majtas e djathtas, duke tentuar ta rrëzojë”, ka thënë vëllai i Al-Kaisit.
E kamerat e sigurisë filmuan gjithë ngjarjen, kurse Al-Kaisi pati mundësinë të zbret nga vetura kur hajni zvogëloi shpejtësinë. /Telegrafi/
