NewBay është themeluar në vitin 2002, ndërsa kompania është e specializuar për zhvillimin e softuerit të dedikuar për telefonat mobil me ndihmën e të cilit shfrytëzuesve u mundësohet krijimi, deponimi dhe ndarja e përmbajtjeve “në re”. Në mesin e klientëve të kompanisë janë operatorët udhëheqës mobil, duke përfshirë Verizon, AT&T, Deutsche Telekom, U.S. Cellular, O2, Orange dhe Telstra.
NewBay më 2009 pati të hyra prej përafërsisht 24.3 milion dollarë, e vitin e përfundoi me 3.6 milion dollarë humbje. Kompania ka rreth 200 të punësuar në qendrën e vet kryesore për zhvillim në Dublin, ndërsa ka zyra dhe në SHBA, Britani të Madhe, Irlandë, Gjermani, Australi dhe Kore të Jugut.
Me blerjen e NewBayit RIM do të ketë mundësi të konkurroj Googleit dhe Appleit platformat mobile softuerike të të cilave tashmë kanë të integruar zgjidhjet për deponimin në re. /Telegrafi/
