Manchester United njoftoi së fundmi marrëveshjen me të cilën presidenti i INEOS, Sir Jim Ratcliffe bleu 25 për qind të aksioneve të klasit B të Manchester United dhe deri në 25 për qind të aksioneve të klasit A të Manchester United.
Ai do të sigurojë një shtesë prej 300 milionë dollarësh që synojnë të mundësojnë investime të ardhshme në Old Trafford.
Pa dyshim një litar shpëtimi për rindërtimin që duhet të bëjnë Djajtë e Kuq. Rezultatet e tyre të dobëta këtë sezon e bëjnë të qartë se ata kanë nevojë për një lider në fushë dhe ai mund të jetë futbollisti francez Kylian Mbappe.
Real Madrid nuk ka shfaqur interesim serioz për të, të paktën publikisht, dhe klubi i Ligës Premier mund të jetë një opsion për sezonin e ardhshëm.
Një projekt më i madh në nivel evropian dhe të qenit lider i padiskutueshëm i skuadrës siç është në PSG, do të ishte më se mjaft tërheqës për të për të hedhur hapin. Sigurisht, për sa kohë që Real Madrid dhe Florentino Perez nuk bëjnë një lëvizje.
Vlen të kujtohet se sulmuesi i Paris Saint-Germain e njoftoi klubin e tij se nuk do të aktivizonte klauzolën e rinovimit, e cila i zgjati kontratën deri në vitin 2025.
Synimi i tij është të përmbushë kontratën e tij aktuale në kryeqytetin francez, deri në vitin 2024. /Telegrafi/