Kreatorja e njohur, Blerina Kllokoqi, tash e disa vite është e martuar me djalin e presidentit historik, Ibrahim Rugova, Mendim Rugova.
Në përvjetorin e 12-të të martesës, ajo ka bërë një dedikim të veçantë për bashkëshortin e saj duke rikujtuar edhe ditën e martesës.
“Sot 12 vjet i dhashë përfundimisht fund beqarisë që të bëhem nusja më me fat në Kosovë. E bekuar, edhe pas 12 vitesh me po të njëjtën ndjenjë dhe dashuri për ty. Të dua pafund, deri në frymën e fundit”, janë fjalët e saj.
Theksojmë se Blerina është padiskutim në prej dizajnereve më të pëlqyera në vend. Ajo ka arritur që të veshë emra të mëdhenj, si Rita Ora, Inva Mula, e ndërsa ishte kujdesur edhe për veshjet e presidentes Atifete Jahjaga, gjatë mandatit të saj.
Madje së fundmi është përkujdesur edhe për vellon e princeshës shqiptare, Elia Zaharia, teksa është futur në garën e fustaneve më të bukura të nusërisë të të gjitha mbretërive. /Telegrafi/