Një video e publikuar ka kapur momentin kur blerësit në një dyqan Louis Vuitton në periferi të Nju Jorkut përpiqen të parandalojnë një ekip hajdutësh që të plaçkisnin shitësin e gjërave luksoze për herë të dytë në më pak se një muaj.
Në pamje, të dyshuarit shihen duke ikur nga dyqani në qendrën tregtare Westchester në White Plains, ndërsa persona të tjerë aty pranë u përpoqën t’i ndalonin, përcjell Telegrafi.
Por çfarë bie në sy është edhe një fakt tjetër – ndërsa shpaloset skena kaotike, një roje sigurie i qendrës qendrore qëndron dhe shikon, por nuk bën asgjë.
Kjo është hera e dytë në javët e fundit që vjedhjet në dyqanet e nivelit të lartë janë kryer në qendrën tregtare në veri të qytetit të Nju Jorkut, pasi grabitësit shënjestruan një dyqan Burberry.
The pro-criminal policies of @GovKathyHochul (ie. No cash bail) have made communities all across NY less safe.
This brazen robbery of a @LouisVuitton occurred at my local mall @TheWestchester in White Plains.@News12WC @lohud @PIX11News @CBSNewYork @NBCNewYork @ABC7NY @fox5ny pic.twitter.com/1n70H4WHHe
— Rob Astorino (@RobAstorino) February 4, 2022
Gjatë vjedhjes së dyqanit Louis Vuitton, për të cilën policia e White Plains thotë se ka ndodhur muajin e kaluar, një burrë shihet duke ikur nga dyqani, me çantat e vjedhura në duar.
I dyshuari tjetër pothuajse u ndalua nga persona të tjerë në dyqan, por arriti të arratisej me çantat e vjedhura, pikërisht pranë rojës së sigurisë.
Policia ka bërë të ditur se është në dijeni të dy incidenteve dhe hetimeve, sipas një deklarate të postuar në Facebook të shtunën.
Ata konfirmuan se nuk u përdorën armë në asnjërin incident dhe askush nuk u lëndua. /Telegrafi/