Këngëtarja nga Shqipëria, Bleona Qereti, po vazhdon të korrë suksese të mëdha në tregun ndërkombëtar.
E njëjta së fundmi ka nënshkruar kontratë me kompaninë muzikore amerikane, “Taryn Brown Company”.
Kjo u bë e ditur nga vet 40-vjeçarja, përmes një postimi të publikuar në llogarinë e saj personale, Instagram.
Kompania në fjalë merret me promovimin e artistëve si dhe me projekte të ndryshme muzikore, me ç’rast kjo kontratë pritet të bëjë bujë në karrierën e Bleonës.
Drejtoresha e kësaj kompanie, Taryn Brown për “Yahoo Finance” është shprehur e lumtur me këngëtaren Qereti.
“Bleona është një artiste e pavarur që ka ngritur standartet me talentin, vokalet dhe personalitetin divë”, ka thënë ajo për artisten tonë shqiptare. /Telegrafi/