Ballkani pësoi humbje 1-0 në shtëpi ndaj Prishtinës në kuadër të javës së 27-të në Superligën e Kosovës.
Strategu i skuadrës nga Theranda, Bledi Shkëmbi ka thënë se ata nuk ishin në elementin e tyre dhe pësuan disfatë për fat të keq nga një auto-gol e realizuar nga Armend Thaqi në pjesë të parë.
“Ndikoi autogoli, por deri në ato minuta as ne nuk bënim diçka të mirë edhe për meritë të kundërshtarit. Nuk arritëm të dilnim të bënim atë lojë që jemi mësuar ta bëjmë”, ka deklaruar ai pas ndeshjes për Art Sport.
“Mendoj se Ballkani do të jetë deri në fund në luftë me këto dy ekipe. Është bërë garë shumë interesante mes këtyre tri ekipeve”.
“Ka edhe shumë pikë në lojë dhe mendoj se do të jetë interesant”, ka deklaruar Shkëmbi.
Pas javës së 27-të, Drita është lider i vetëm në tabelë, me 58 pikë, tre më pak ka Ballkani, derisa Prishtina ka ngushtuar diferencën me këta të fundit me vetëm një pikë. /Telegrafi/