“Mua më ka skaduar kontrata me Llapin dhe tani jam futbollist i lirë. Jam duke biseduar me një klub të Superligës, emrin e të cilit momentalisht nuk mund ta them. Jam në pritje të ofertave tjera dhe më pas do të vendosi se për kë do të luaj në kampionatin e ri”, është shprehur ai për gazetën Arena.
Blakqori ishte ndër portierët më të dalluar të Superligës në sezonin vjeshtor, ku u paraqit për mrekulli me Hysin. Në pranverë, ai me Llapin arriti deri në barazh të Superligës, ku u mposht nga Trepça 2:1. /Tribuna/Telegrafi/