BlackBerry Oslo ka dizajn të ngjashëm me atë të BlackBerry Passport, edhe pse në modelin e ri janë disa ndryshime interesante që e bëjnë të ndryshëm nga Passport.
Telefoni besohet se do të ndajë specifika të ngjashme me ato të Passport dhe i njëjti thuhet se është nisur në Lindjen e Mesme dhe Amerikë Latine, ndërsa pritet që i njëjti të lëshohet edhe në tregun më të madh aziatik, përkatësisht në Kinë.
BlackBerry Oslo me sa duket do të vijë me procesorin prej 2.2 GHz Qualcomm Snapdragon dhe 3GB RAM, 32GB memorie të brendshme dhe një port për microSD për zgjerim.
Specifikat tjera të telefonit do të përfshijnë edhe ekranin me diagonalen prej 4.5 inç me rezolucionin prej 1440 x 1440 pikselëve, bateria me 3540 mAh dhe kamera kryesore me 13MP.
Detajet për çmimin e këtij modeli të ri të telefonit ende nuk janë bërë të ditura, por të njëjtat pritet të publikohen së shpejti. (Telegrafi)