Gazetari i emisionit “Stop” në TV Klan, Genci Angjellari, dëshmoi edhe me pamje filmike se u sulmua nga Mirela Topulli, administratore e firmës “Euroteam”.
Sipas investigimit të tij, kompania “Euroteam” kryen rregullisht krim mjedisor.
Por, si qëndron e vërteta sipas Topullit?
Në një intervistë për “foldrejt.info” Topulli ka deklaruar se gjithçka e thënë deri më tani është “puç”. Ajo madje shprehet se është provokuar nga gazetari i cili, sipas saj, e ka goditur në mjekër me mikrofon.
“Në emisioni nuk është transmetuar e gjitha, pasi është shkëputur pjesa ku gazetari më ka goditur”, tha ajo.
