Tre gjermanët e shërbimit sekret gjerman, të cilët u mbajtën për një javë të arrestuar me dyshimin se kanë gisht në shpërthimin që ndodhi në ICO, edhe pse kishin të hapur një kompani për këshillime të bizneseve, nuk kanë zhvilluar asnjëherë ndonjë gjë të tillë dhe nuk i kanë paguar asnjë cent shtetit të Kosovës.
Gjermanët aktivitetin e tyre sekret e kishin të mbulur nën petkun e biznesit, duke hapur një kompani këshilluese për investitorët e mundëshm potencial.
Njëri prej tyre u kap, në afërsi të vendit të ngjarjes menjëherë pas shpërthimit, çka çoi në arrestimin edhe të dy gjermanëve të tjerë, të cilët jetonin së bashku në një shtëpi në Prishtinë. /Telegrafi/