Kërkesa e lartë për mallra industriale, rritjet e eksportit dhe mbështetja e qeverisë për kompanitë e goditura nga pandemia COVID-19, kontribuan në një rritje të papritur të ndjeshmërisë së biznesit gjerman në dhjetor.
Instituti Ifo tha se indeksi i klimës së biznesit u rrit në 92.1 pikë nga 90.9 pikë që ishte në muajin nëntor.
“Kompanitë ishin të kënaqura me situatën e tyre të biznesit. Ata po shohin drejt gjysmës së parë të vitit me më pak skepticizëm. Por bllokimi po godet fort disa degë. Ekonomia gjermane në tërësi tregon rezistencën e saj”, njofton instituti.
Gjermania vendosi një bllokim të fortë në 16 dhjetor që detyroi të gjitha bizneset jo-kryesore të mbylleshin për të ulur numrat e infeksioneve dhe vdekjet rekord të larta.
Ifo tha se vetëm 20 për qind e kompanive që anketuan dërguan përgjigjet e tyre pasi Gjermania mori vendimin fundjavën e kaluar për të shkuar në bllokim.
Shtrëngimi i ri në kufizimet e koronavirusit do të thotë që aktiviteti do të mbetet i zbutur në fillim të vitit të ardhshëm përpara se të rritet në tremujorin e dytë.
Qeveria ka siguruar një paketë stimuluese me vlerë miliarda euro për të mbështetur kompanitë, familjet dhe profesionistët e pavarur gjatë pandemisë, e cila pritet të zhysë Gjermaninë në recesionin e saj më të keq që nga Lufta e Dytë Botërore këtë vit.
Kombinimi i ndihmës qeveritare dhe kërkesës për mallra gjermane nga një ekonomi kineze që po rimëkëmbet po kufizonin dëmin nga masat e bllokimit
Ekonomistët paralajmëruan, megjithatë, të mos bazohemi shumë në leximet optimiste të Ifo, sepse ekonomia ka të ngjarë të pësojë një tkurrje në tremujorin e parë nëse Gjermania shtrin bllokimin e saj të fortë përtej 10 janarit. /Telegrafi/