Samsung Electronics ka lansuar tiparin për komandimin me zë përmes asistentit virtual Bixby për Galaxy S8 dhe S8+ në Korenë jugore, që mungonte në këtë telefona gjatë lansimit të tyre muajin e kaluar.
Kompania debutoi shërbimin e komandës së zërit të hënën, pas dërgimit të njoftimit tek përdoruesit e telefonave në mëngjes të së njejtës ditë.
Bixby, asistenti i intelegjencës artificiale të kompanisë, u shfaq më 21 prill, në ditën kur dyshja S8 zyrtarisht doli në shitje në Korenë jugore.
Komanda me zë ende nuk ka dalur në tregjet tjera ku S8 është lansuar. Konsumatorët amerikan nuk e kanë marrur tiparin ende, mirëpo pritet që shërbimi të lansohet atje gjatë muajit maj.
Dyshja Galaxy S8 ka treguar rezultate të shitjeve të fuqishme që prej lansimit. Vetëm në Korenë jugore, pajisjet kanë arritur mbi 1 milionë para-porosi.
Megjithatë, produktet kanë hasur pengesa gjatë rrugëtimit të tyre. Disa përdorues në SHBA kanë raportuar që telefonat e tyre janë restartuar në mënyrë të rëndomtë.