K920 është modeli më i avancuar i Lenovo-së, ndërsa e veçanta e këtij modeli janë karakteristikat e larta harduerike, të cilat i përgjigjen kërkesave të përdoruesve që duan një pajisje të mirë mobile.
Në fakt, K920 sjell ekranin e ndjeshëm në prekje me diagonalen prej 6 inç, Quad HD (1440 x 2560) IPS, procesorin që mbështet rrjetin LTE me quad-core Snapdragon 801, si dhe 3GB RAM.
Kamera e pasme e telefonit vjen me 16MP, me stabilizuesin optik të fotografisë, ndërsa kamera e përparme është me 5MP. Telefoni mundëson përdorimin e dy SIM kartelave, dhe ofron baterinë masive me, 4000 mAh.
Mbështjellësi i Lenovo K920 është i metaltë, ndërsa telefoni është i hollë vetëm 7.7 mm. Çmimi i K920 pritet të jetë ekuivalent me 500 dollarë, por i njëjti ende nuk është bërë zyrtar nga kompania. /Telegrafi/