Aktorët Shannen Doherty dhe Jason Priestly, të njohur si binjakët e popullarizuar, Brenda dhe Brandon Walsh, nga hit serialit televiziv “Beverly Hills 90210”, kanë publikuar fotografinë e parë pas plot 20 vitesh.
Ekipi i aktorëve të serialit të famshëm është ribashkuar për episodet e reja, ndërsa fansat mezi presin që t’i shohin protagonistët e tyre në situata të reja pas moshës së adoleshencës.
Dhe për t’ua shkurtuar paksa pritjen fansave të tyre, Shannen e ka publikuar një fotografi të përbashkët me Jason në profilin e saj në Instagram.
“Thjesht ashtu, binjakët janë rikthyer”, ka shkruar aktorja hollivudiane në përshkrimin e fotografisë.
Krahas tyre, në vazhdimet e reja do të kthehen edhe yjet tjera nga seriali, si Jennie Garth, Ian Ziering, Tori Spelling, Brian Austin Green e Gabrielle Carteris.
Nga protagonistët kryesorë do të mungojë vetëm Luke Perry, i cili ndërroi jetë si pasojë e goditjes në tru. /Telegrafi/