Bill Murray e ka ndihmuar një çift që në një ndeshje bejsbolli ta bëjë publik lajmin se do të bëhen prindër.
E gjitha ka ndodhur në ndeshjen e Chicago Cubs, ndërsa videomesazhi iu dedikua prindërve të çiftit.
“Kam një njoftim për ju, do të bëheni gjyshe dhe gjysha”, ka thënë aktori dhe komiku
Murray.
Ndërsa Robbie Scholss, babai në pritje, ka shtuar: “Do të bëhemi me fëmijë”.
Ai ka treguar se së bashku me gruan e tij, Kirsten, ishin ulur pranë Murrayt dhe e kishin lutur atë që t’ua bëjë këtë favor.
“I thash se mund të na ndihmonte që ta publikonim lajmin se Kirsten është shtatzënë. Ajo ka pasur probleme me infertilitetin dhe vendosëm që lajmin ta publikonim menjëherë, mirëpo kjo ishte një mënyrë shumë më argëtuese për ta dhënë njoftimin.
“Bill me kënaqësi e xhiroi njoftimin, ndërsa ne morëm ovacione nga publiku që na mbështeti”, ka treguar Robbie.
Çifti ka thënë se prindërit e tyre kishin qarë kur e kanë parë videon, ndërsa ata do të bëhen prindër në muajin prill. /Telegrafi/