Lucas Biglia ka konfirmuar se ai është i gatshëm që të rikthehet në Argjentinë, pasi Milani nuk ka organizim të brendshëm dhe stabilitet.
Mesfushori do të jetë lojtar i lirë në këtë verë dhe nuk i është ofruar kontratë që ai të vazhdojë të qëndrojë në San Siro.
“Unë jam duke vlerësuar të ardhmen time dhe nuk do të përjashtoj mundësinë e rikthimit për të luajtur në Argjentinë,” ka thënë 34-vjeçari.
“Që kur arrita, klubi tashmë ka ndryshuar pronësinë dy herë”.
“Milani do të rikthehet sërish të jetë Milan, kur të ketë stabilitet dhe organizim brenda klubit. Ata do të jenë një nga superfuqitë evropiane ashtu si kanë qenë, por do të kërkojë kohë ”, ka shtuar më tej ai.
Ish-anëtari i Lazios u bashkua me Milanin në verën e vitit 2017 për më pak se 20 milionë euro, por bëri vetëm 63 paraqitje zyrtare për klubin, duke shënuar dy gola. /Telegrafi/