Një vogëlush 18-muajsh që kishte rënë në një gropë 19 metra të thellë, është shpëtuar pas plot dy ditëve sa edhe zgjati operacioni i kërkim shpëtimit.
Djaloshi nga India kishte shkuar për të mbledhur fruta me nënën dhe të afërmit, kur ra në një gropë në Hisar. Ai po luante me fëmijët e tjerë kur rrëshqiti dhe papritmas u “zhduk”, transmeton Telegrafi.
E pasi që prindërit nuk arritën ta nxjerrin, kishin kërkuar ndihmë. Nuk kaluan shumë minuta dhe në vendin e ngjarjes u shfaqen ekipet e shpëtimit, por aty kishte edhe një numër të madh të policëve dhe mjekëve.
Operacioni i kërkim-shpëtimit ka zgjatur 48 orë, kurse derisa qëndroi në gropë i kishin dërguar bombolën me oksigjen, ëmbëlsira dhe lëng të frutave.
E për ta nxjerrë janë detyruar të hapin paralelisht një tunel rreth gjashtë metra larg vendit, ku më pas kanë gërmuar me duar në mënyrë që mos ta lëndojnë.
Sidoqoftë kur arritën tek ai, menjëherë e mbështollën me batanije dhe e dërguan në autoambulancë. Mediat indiane raportojnë se vogëlushi është në gjendje të mirë shëndetësore, kurse sipas zyrtarëve lokalë bunari ishte hapur pa leje dhe për këtë kanë filluar hetimet për këtë. /Telegrafi/
18 months old toddler rescued from a borewell in a 48 hours non stop Indian Army led operation in Hisar today!!
Now listen to the heartwarming "BHARAT MATA KI JAI" chants when an Indian Army officer carries the rescued boy in his lap!! pic.twitter.com/53eU5BreeZ
— Sandeep Ahlawat (@SandyAhlawat89) March 22, 2019
