Kamera e vendosur brenda një veture, ka filmuar momentin kur një foshnje bie nga vetura dhe për pak centimetra sa nuk përfundon nën rrotat e një autobusi në lëvizje.
Videoja tregon se si furgoni brenda të cilit gjendej foshnja, po bëhej gati të nisej para semaforit kur befasisht hapet dera, dhe bie foshnja në një rrugë në qytetin kinez Baoding në provincën Hebei, transmeton Telegrafi.
Për fat të mirë foshnja i shpëton më të keqes edhe pse pak centimetra larg saj po kalonte një autobus. E ëma kur e kuptoi se çfarë ndodhi, kërceu edhe ajo për ta shpëtuar foshnjën.
Mediat kineze raportojnë se as foshnja e as e ëma nuk ka pësuar ndonjë lëndim, ndërsa ende nuk dihet se si erdhi deri te hapja e derës së furgonit nga e cila ra foshnja. /Telegrafi/
