Presidenti amerikan Joe Biden tha të mërkurën se nuk beson se do të ketë tranzicion paqësor të pushtetit nëse ish-presidenti Donald Trump humb në nëntor, duke vënë në dukje komentet e kandidatit republikan që sugjerojnë se e vetmja mënyrë që ai do të humbte është nëse zgjedhjet vidhen prej tij.
“Nëse Trump fiton, jo, nuk jam aspak i sigurt”, tha Biden në një interviste dhënë për CBS News, për para se të korrigjohej, transmeton Telegrafi.
“Ai vërtetë e mendon atë çfarë thotë, nuk po e marrin seriozisht, por ai vërtetë mendon ashtu – do të keq gjakderdhje”, tha ai në intervistën e tij të parë, pasi i dha fund fushatës dhe hoqi dorë nga rikandidimi.
Trump qysh në mars ka paralajmëruar se nëse humb në zgjedhjet e nëntorit – do të ketë “gjakderdhje” për auto-industrinë amerikane dhe vendin.
Biden ka paralajmëruar prej kohësh se Trump nuk ka gjasa të pranojë zgjedhjet nëse humb, duke e bërë çështjen e mbrojtjes së demokracisë një parim qendror të fushatës së tij të vitit 2024.
Biden u përpoq të krahasonte refuzimin e Trump për të pranuar rezultatet e zgjedhjeve, me vendimin e tij për t’u larguar si kandidati demokrat.
“Shikoni, nuk jam unë ai që ka thënë se dua të jem diktator në ditën e parë. Nuk jam ai që ka refuzuar të pranojë rezultatet e zgjedhjeve. Gjithashtu nuk jam ai që ka thënë se ai nuk do të pranojë rezultatet. Nuk mund ta duash vendin tënd vetëm kur fiton”, shtoi Biden. /Telegrafi/
