Biden pati sërish probleme me shkallët, për pak sa nuk u rrëzua derisa po futej në ‘Air Force One’

Presidenti amerikan Joe Biden ka pasur sërish telashe me shkallët, derisa po ngjitej për në aeroplanin presidencial i njohur si Air Force One.

80-vjeçari për pak sa nuk u rrëzua derisa po ngjitej shkallëve për t’u futur në aeroplan, dhe natyrisht se edhe kësaj radhe kjo nuk i shpëtoi objektivit të kamerave të televizioneve, transmeton Telegrafi.

Lideri amerikan nuk ishte i shoqëruar nga pjesëtarët e Shërbimit Sekret e as nga Zonja e Parë, pavarësisht distancës së madhe mes shkallëve, kurse incidenti ndodhi derisa po bëhej gati të largohej nga baza ajrore Maxwell në Montgomery të Alabama.

E mjaftoi kjo që t’i ndodhë dhe pamjet të bëhen sërish virale, për shkak të historisë së tij me shkallët. Në anën tjetër, Biden ka pasur probleme të ngjashme edhe gjatë një xhiroje me biçikletë.

Derisa kishte dalë për t’u shëtitur në Delaware, ai ishte rrëzuar nga biçikleta, por që për fat të mirë nuk pati ndonjë lëndim serioz apo diçka të ngjashme. /Telegrafi/