Ligjvënësit amerikanë, kryetari i bashkisë së Uashingtonit dhe oficerët e Kongresit amerikan i dhanë nderime shokut të tyre, Brian Sicknick, një oficer policie i cili vdiq nga plagët e pësuara gjatë një inkursioni të 6 janarit nga mbështetësit e ish-presidentit Donald Trump.
Shfaqja e mbetjeve mortore është një nga nderimet më të mëdha që Kongresi mund t’i japë një civili. Sicknick, 42 vjeç, është vetëm personi i pestë dhe oficeri i tretë i Capitol Hillit që ka marrë çmimin, raporton cnn.
Ai ishte një nga policët që mbronin Kongresin kur qindra ndjekës të Trumpit sulmuan ndërtesën duke dashur të ndalonin konfirmimin e fitores së Joe Bidenit.
Pas fjalës së saj, Kryetarja e Dhomës së Përfaqësuesve, Nancy Pelosi, dy priftërinj të kongresit dhe dhjetëra njerëz hynë në dhomën ku ishte shfaqur një kuti prej druri me hirin e Sicknick, pranë flamurit amerikan.
Pasi bënë homazhe, hiri u transferua në Varrezat Kombëtare të Arlingtonit. Biden dhe Zonja e Parë, Jill Biden vizituan Capitolin të martën vonë dhe i bënë nderimet, Sicknick, ashtu si nënpresidentja, Kamala Harris dhe burri i saj, Doug Emhoff. /Telegrafi/
