Kryetari i komunës së Prishtinës, Shpend Ahmeti, u betua sot para asamblistëve komunal si dhe para qytetarëve të kryeqytetit.
Mbledhja inauguruese filloi me intonimin e himnit kombëtar dhe në tavolinat e asamblistëve të Vetëvendosjes ishin vendosur flamuj kombëtar.
Në këtë ceremoni janë betuar edhe 51 asamblistët e Prishtinës.
“Unë, Shpend Ahmeti, betohem që do t’i kryej detyrat dhe do t’i ushtroj kompetencat si Kryetar i Komunës së Prishtinës, me nder e besnikëri, në mënyrë të paanshme, me ndërgjegje dhe pajtim me ligjin, në mënyrë që të siguroj kushte për një jetë të qetë për të gjithë. Betohem!”.
Kryetari i Prishtinës, Shpend Ahmeti me këtë rast tha se duhet të ketë një frymë të bashkëpunimit ndërmjet pozitës e opozitës.
Ai tha se komunën e Prishtinës e presin punë të mëdha.
