Rita Ora dhe Ellie Goulding janë ato që ranë në sy më së shumti me stilin e tyre të përzgjedhur për këtë natë.
Rita, 24-vjeçe, u paraqit me një fustan të hapur në pjesën e sipërme, që ngjante pak-a-shumë me atë të Jennifer Lopezit që kishte përzgjedhur për natën e ndarjes së çmimeve Oscar, raporton Koha.net.
Bukuroshja shqiptare, që është e nominuar për Videoklipin më të Mirë të Vitit, në këtë ngjarje ra në sy edhe për grimin ku vëreheshin sytë e hijezuar ndërsa për buzë kishte zgjedhur ngjyrën e trupit.
Në ndërkohë, edhe këngëtarja Ellie Goulding pati një paraqitje mbresëlënëse në këtë ngjarje – fustan të bardhë që zbulonte mirë qafën e saj.
Këngëtarja tjetër, Taylor Swift, kishte përzgjedhur një fustan të zi me një dragua të kuq në shpinë. Në këtë ngjarje, Swift është e nominuar për Solo-Artisten Ndërkombëtare. /Telegrafi/
