Autoritetet në Ganë kanë nisur një kërkim për njerëzit që prenë një pemë të famshme 300-vjeçare, e cila besohej se kishte fuqi shëruese.
Sipas mediave të huaja, përcjell Telegrafi, banorët vendas thonë se pema u rrit në vendin ku prifti i njohur Komfo Anokye “pështyu” një arrë kola në tokë në fillim të viteve 1700.
Shumë vendas besonin se farat bardh e zi të pemës mund të kuronin sëmundje dhe mallkime.
Kështu, ganaezët shprehën zemërim teksa fotot e pemës së prerë, në qytetin Feyiase, qarkulluan në internet.
Pema ishte në mes të një rruge kryesore që lidh qendrën tregtare të Ganës, Kumasi me liqenin Bosomtwe.
Ajo u kursye gjatë ndërtimit të autostradës për shkak të popullaritetit të saj dhe ishte një atraksion turistik për ganezët dhe të huajt. /Telegrafi/