Njëra nga sfidat më interesante të xhiros së tretë në Ligën e Kampionëve u zhvillua mbrëmëe në ‘San Paolo’.
Skuadra turke e Besiktasit arriti ta mposht Napolin favorit, në një takim tejet interesant, ku 5 gola u shënuan dhe 1 penallti u shpërdorua nga vendasit.
Hero i takimit për mysafirët nga Stambolli ishte i huazuari nga Porto, Vincent Aboubakar, i cili shënoi 2 herë, ndërsa goli tjetër u shënua nga Adriano Correia, ish-lojtari i Barcelonës.
Kjo fitore, përveç që e ngjit Besiktasin në vendin e dytë të Grupit B me 5 pikë, është edhe e para për skuadrën turke në 7 vitet e fundit në ligën elitare për klube, transmeton boorozani.
Herën e fundit që Besiktasi fitonte në këtë garë ishte në vitin 2009 ndaj Manchester Unitedit në ‘Old Trafford’.
Në anën tjetër, përkundër humbjes, Napoli mbetet lider i Grupit B.