Besiktas nuk ka arritur të vazhdojë serinë e fitoreve në kuadër të këtij sezoni në Ligën e Kampionëve.
Skuadra turke ka barazuar para shikuesve të vetë në stadiumin “Vodafone Arena” kundër Monacos me rezultat 1-1.
Pjesa e parë i takoi bardhezinjve, të cilët dominuan në ndeshje, por e dyta shkoi në dobi të francezëve.
https://youtu.be/HQVqk48IT74?t=1
Megjithatë, gjysmëfinalistët e sezonit të kaluar kaluan të parët në epërsi përmes Rony Lopesit, i cili realizoi gol në kohën shtesë të 45 minutshit të parë.
Por, “Shqiponjat e zeza” barazuan rezultatin në minutën e 54 me anë të një penaltie, ku realizator ishte Cenk Tosun. Ky i fundit u pengua brenda zonës së rreptësisë nga ana e portierit, Danijel Subasic.
Pesë minuta më vonë Ryan Babel nuk u tregua i saktë para portierit të kuqebardhve duke humbur një rast të pastër para portierit boshnjak.
Deri në fund të takimit më nuk pati raste për shënim dhe kështu, ndeshja përfundoi me rezultat të barabartë 1-1.
Pas kësaj, Besiktas mbetet lider i grupit G me dhjetë pikë ndërsa Monaco zë pozitën e katërt me vetëm dy pikë. /Telegrafi/
https://youtu.be/gDlX37oF9q4