Besart Berisha ka vazhduar me formë shumë të mirë në kampionatin australian.
Sulmuesi kosovar ka shënuar një tjetër gol për skuadrën e tij Western United.
Berisha ishte titullar për skuadrën e tij si gjithnjë në ndeshjen ndaj ish-skuadrën e tij Brisbane Roar.
Prishtinasi shënoi një gol mjaft të bukur në minutën e 41-të për 0-2.
Njëherit ky ishte rezultati përfundimtar i ndeshjes, pasi vendasit nuk arritën në asnjë moment t’ia rrezikonin fitoren.
Për Berishën ky ishte goli i pestë këtë kampionat në elitën e futbollit australian. /Telegrafi/
