Bernardo Silva arriti të konkretizojë katër driblime me futjen e topit mes këmbëve në fitoren vendimtare 3-0 të Manchester Cityt në shtëpi ndaj Bayern Munichut në Ligën e Kampionëve të martën.
Skuadrat e Pep Guardiolës u afruan një hap më afër gjysmëfinales pas paraqitjes së tyre të shkëlqyeshme në ndeshjen e parë çerekfinale të Ligës së Kampionëve në Etihad.
Rodri (27’) e theu ngërçin në pjesën e parë me një superol ndërsa pas tij shënuan edhe Bernardo Silva (70’) dhe Erling Haaland (76’) për t’ia siguruar fitoren.
Megjithatë, një nga momentet që ka vjedhur gjithë vëmendjen e shikuesve është padyshim ai i minutës së 60-të.
Ylli portugez, Bernardo Silva ishte padyshim i paarritshëm për dy yjet e Bayern Munichut, Alphonso Davies dhe Leon Goretzka.
📸 – Bernardo Silva nutmegging both Davies & Goretzka and then Davies again. pic.twitter.com/VpUbYEq5OY
— 𝐀𝐅𝐂 𝐀𝐉𝐀𝐗 💎 (@TheEuropeanLad) April 11, 2023
Gjatë një aksion, portugezi u përball me dyshen e Bayernit dhe i vetëm arriti të dalë nga situata duke kompletuar katër herë driblimin me futjen e topit mes këmbëve.
Pasi mori topin nga e djathta, ylli 28-vjeçar i Cityt fillimisht dribloi Daviesin dhe më pas Goretzkan gjatë sulmit të tij në zonën e Bayernit.
Megjithatë, kanadezi u rikthye përsëri ta sfidojë brenda zonës me presion, por kësaj radhe e kishte edhe më keq, pasi Bernardo “ia futi” dy herë topin mes kembeve. /Telegrafi/
Bernardo Silva 🍯
— NILSLECITYZEN🥊 (@Nilsmancity) April 11, 2023