Kosova iu ka rikthyer përgatitjeve për ndeshjen kualifikuese për Euro 2020 kundër Malit të Zi, që zhvillohet të hënën në stadiumin “Fadil Vokrri”.
Vetëm 24 orë pas miqësores kundër Gjibraltarit, përzgjedhësi Bernard Challandes ka zbritur në fushën e gjelbër me 18 lojtarë, derisa ka lënë të lirë 5 futbollistë: Samir Ujkanin, Florent Hadërgjonajn, Anel Rashkajn, Atdhe Nuhiun dhe Ibrahim Dresheviq, të cilët luajtën gjatë tërë 90 minutave në miqësoren e djeshme.
Lirim Kastrati dhe Arbenit Xhemajli janë ribashkuar me Kosovën U21.
Në stërvitjen e sotme me intensitet të plotë kanë stërvitur edhe Milot Rashica, Herolind Shala dhe Vedat Muriqi, të cilët në ditët e para të grumbullimit kanë stërvitur të diferencuar.
Në stërvitjen e sotme të Kosovës, ka ndodhur një zënkë mes Edon Zhegrovës dhe Benjamin Kolollit. Kanë qenë lojtarët ata që e kanë i kanë ndarë dyshen.
Ndërkohë, nga afër stërvitjen e kanë ndjekur presidenti Agim Ademi, nënkryetari Bakir Burri dhe sekretari i përgjithshëm Eroll Salihu.