Besart Berisha ka vazhduar shkëlqimin në futbollin aziatik.
Sulmuesi nga Kosova ka realizuar dy gola të tjerë në elitën e futbollit australian për skuadrën e tij Western United.
Skuadra e sulmuesit kosovar shënoi fitore të thellë me rezultat 4-1 ndaj Macarthur FC, fitore që ishte falë kontributit të Berishës.
35-vjeçari shënoi golin e parë personal në këtë takim në minutën e 45-të për ta ngritur epërsinë e skuadrës së tij në 2-0.
Ndërkohë prishtinasi u përkujdes edhe për golin e katërt duke ngritur epërsinë në 4-0 të ekipit të tij para se mysafirët të shënonin në fund të ndeshjes për rezultatin përfundimtar 4-1.
Me dy golat e sotëm, Berisha shkon në kuotën e tre golave në A-League.
Në anën tjetër kjo fitore e ngrit Western Unitedin në vendin e tetë në kampionat me tetë pikë pas gjashtë ndeshjeve. /Telegrafi/