Pas fillimit të vështirë të sezonit, për Etrit Berishën vijnë lajme të mira.
Portieri i Kombëtares po e shfrytëzon më së miri rastin që po i jepet dhe dalëngadalë po e fiton vendin e titullarit tek Atalanta.
Në deklaratën e tij gjatë konferencës për shtyp, trajneri i Atalantës, Gasperini ka folur edhe në lidhje me çështjen e portës së ekipit nga Bergamo, që prej disa javës është mjaft e nxehtë në shtëpinë zikaltër.
“Berisha ka bërë një ndeshje të mirë dhe në këtë moment meriton të luajë. Sportiello do të bëhet edhe më i fortë falë kësaj eksperience. Momentet e vështirësisë mund të ndihmojnë që të rikthehet edhe më i fortë se më parë”, citon “mercatoweb.it” trajnerin Gasperini.
Portieri 27-vjeçari Berisha, edhe pse pësoi tre gola në duelin me Caglarin, ishte më i miri për ekipin e tij. “Gardiani” i Kombëtares sonë shpëtoi miqtë nga të paktën 3-4 gola të tjerë të sigurt, duke u vlerësuar me notën më të lartë nga mediat italiane.