Besart Berisha ka vazhduar me formë të mrekullueshme në kampionatin australian.
Ylli nga Kosova ka qenë titullar si gjithnjë për skuadrën e tij Melbourne Victory në ndeshjen ndaj Central Coast Marines.
Victory ka marrë fitoren e tretë radhazi ku kësaj radhe triumfoi me rezultat të thellë 5-2.
E më meritori për këto tri pikë të Victory ishte padyshim sulmuesi prishtinas Besart Berisha.
Berisha arriti të realizoj het-trik në këtë sfidë për ish-kampionët e Australisë.
Fillimisht në minutën e 25-të Besarti realizoi pas asistimit nga George.
Në pjesën e dytë Berisha shënoi në minutën e 54-të për 3-0.
Ndërkohë het-triku u kompletua 20 minuta më vonë ku kësaj radhe realizoi me kokë për 4-0.
Pas kësaj fitore të rëndësishme, Melbourne zë pozitën e tretë në tabelë me 35 pikë të grumbulluara.
Me tre golat e shënuar, Besarti ka arritur në kuotën e 12 golave në kampionat ku ka edhe katër asistime. /Telegrafi/
https://www.youtube.com/watch?time_continue=23&v=7cNq8TLFYLM
https://www.youtube.com/watch?time_continue=15&v=JeATpxcvoU8