Etrit Berisha dhe Atalanta e tij janë rikthyer te fitoret në Serie A.
Pas dy humbjeve radhazi nga Roma dhe Napoli, Atalanta u përballë me Sassuolon në shtëpi.
Zi kaltërtit triumfuan me rezultat minimal 2-1 dhe më meritori për këtë pozitë ishte portieri shqiptar.
“I jashtëzakonshëm në finale, kur mbron avantazhin me dy ndërhyrje të shkëlqyera ndaj Raguses dhe Acerbit”, shkruajtën mediat italiane për gardianin shqiptar.
28-vjeçari mori notën (7.00) nga mediat italiane që ishte ndër më të lartat pasi më shumë se ai u vlerësua vetëm Gomez dhe Petanga.
Pas tri xhirove në Serie A, Atalanta ka grumbulluar tri pikë. /Telegrafi/