Ish-kandidati i LDK-së për deputet Anton Berisha thotë se është shumë e rëndësishme që të fitojë procesi dhe më pak e rëndësishme është cili kandidat e merr kreun e LDK-së.
“LDK ka nevojë për një garë që kandidatët ta pranojnë procesin dhe atë që zgjedhet kryetar. Përparësi duhet t’i jepet Kryesisë së re përkatësisht një ekipe që do ta kthente LDK-në në shtratin e saj”, tha ai në “Debat Plus”.
Berisha thotë se partia është ide dhe sipas tij kjo ide duhet të ekzistojë.
“Partia është ide dhe organizim strukturor. Kjo ide duhet të ekzistojë. Çështja është që duhet të ruhet zanafilla e LDK-së”.
Ai thotë se LDK nuk ka nevojë që patjetër duhet të gjej një oponent për Albin Kurtin.
“Qasja se Albin Kurtit duhet t’i gjendet një oponent për mua është e gabuar. LDK nuk ka nevojë t’i nënshtrohet momentumit”, deklaroi Berisha.
Berisha thotë se LDK ka bërë gabim që ka vendosur si drejtues dikë që nuk ka qenë anëtarë i saj duke aluduar në Isa Mustafën./Telegrafi/