Gjatë vizitës Reeker kreu takime me dyer te mbyllura me krerët më të lartë të shtetit, me Presidentin Bujar Nishani, Kryeministrin Sali Berisha, me Ministrin e Jashtëm, Edmond Panariti dhe kryetarin e Partisë Socialiste, Edi Rama.
Zyra për shtyp e kryeministrit bëri të ditur se biseda u ndal në përgatitjet për zgjedhjet e ardhshme parlamentare në vend, transmeton BW.
“Berisha theksoi se realizimi me sukses i reformës zgjedhore ka bërë të mundur që sot Shqipëria të ketë një kuadër ligjor, zgjedhor, në të cilin janë reflektuar të gjitha rekomandimet e ODIHR-it”.
Në këtë kuadër, kryeministri nënvizoi se zgjedhjet do gëzojnë standardet e zgjedhjeve ndërkombëtare, të lira dhe të ndershme. /Telegrafi/