Atalanta e Etrit Berishës luan sot, nga ora 19:00, në Nikosia ndaj Apollonit për ndeshjen e katërt në grupin E.
Një fitore në tokën qipriote mund t’i sigurojë ekipit italian kualifikimin në fazën tjetër të Ligës së Evropës.
Gasperini mendon t’i besojë portierit shqiptar, për dy ndeshje e ardhshme.
Në ndeshjen tjetër, Lyoni pret Evertonin që, në rast humbjeje, mund t’i thotë lamtumirë ëndrrës kualifikim.
Anglezët aktualisht renditen të fundit me vetëm një pikë, teksa Lyoni ndjek me dy pikë diferencë Atalantën kryesuese.
Në Olimpico të Romës, në ora 21:05, Lazio pret Nicen në një sfidë që, me shumë mundësi, do të vendosë edhe fituesen e grupit K të Ligës së Evropës.
Pas fitores në Francë, ekipi italian, ku militon edhe Thomas Strakosha, do të kërkojë një tjetër trepikësh duke shfrytëzuar faktorin fushë.
Bardhekaltërve, të cilët renditen të parët me 9 pikë, do t’u mjaftojë edhe një pikë për të siguruar kualifikimin matematik. /Panoramasport/