Në disa pamje prekëse një floktar spanjoll i cili po kalon kimioterapi për kancerin shpërthen në lot ndërsa kolegu i tij rruan flokët e tij në shenjë solidariteti.
Sipas mediave të huaja, përcjell Telegrafi, berberi Joel Ortega mund të dëgjohet duke i thënë kolegut të tij Neftali Martin, i cili aktualisht po trajtohet nga kanceri, ‘nuk je vetëm’.
Madje, në një postim me një video në rrjetet sociale, ai shpjegoi se Ortega i kishte thënë se do të vazhdonte të rruante kokën me të derisa të mbaronte trajtimin e kancerit.
‘Për mua’, shkroi ai, ‘Joeli nuk është thjesht një bashkëpunëtor, ai është një vëlla’.
Ndërkohë, siç bëhet e ditur më tej, të paktën katër berberë të tjerë kanë rruar kokën në shenjë solidariteti me Martin.
Ndryshe, disa njerëz bëjnë zgjedhjen të rruajnë kokën përpara se t’i nënshtrohen trajtimit për kancer sepse humbja e flokëve është një efekt anësor i zakonshëm i kimioterapisë. /Telegrafi/
