Dimitar Berbatov i ka thënë sulmuesit belg, Romelu Lukaku se duhet të mbetet te Manchester Unitedi.
Lukaku mendohet të jetë i pakënaqur në ekipin e Unitedit dhe trajneri i Interit, Antonio Conte ka konfirmuar dëshirën e tij për ta transferuar atë në Itali.
Por, ish-sulmuesi i Unitedit, Berbatov mendon se Lukaku do të përmirësohet më shumë si një lojtar në United.
Ish-sulmuesi bullgar ka folur për mediumin Sky Sports, ku i ka thënë belgut duhet të refuzojë ofertat e Interit dhe të qëndrojë në Old Trafford.
“Mendoj se duhet të qëndroj. E pëlqej atë si lojtar. Nuk i pranoj kritikat që i bëhen atij. Ndoshta nuk është duke punuar fortë, por bashkëlojtarët duhet ta ndihmojnë atë”.
“Mendoj se Solskajer është trajner i mirë për të sepse Lukaku duhet të mësoj nga trajneri Solskjaer, i cili ka qenë sulmues i madh”, ka thënë Berbatov.
Ndryshe, 38-vjeçari Berbatov kaloi katër vjet në Old Trafford, duke shënuar 56 gola në 149 paraqitje. /Telegrafi/