Kosova mundet që përmes ndryshimeve ligjore dhe pa ndryshim të emërtimit Forcave të Sigurisë së Kosovës ta zgjerojë mandatin e tyre në mënyrë që ato të bëhen forcë e armatosur.
Kështu ato do të mund të marrin pjesë në misionet e NATO-s e pastaj të dërgohet kërkesa për anëtarësim në “Partneritetin për Paqe”, ka deklaruar sot kryetari i deritashëm i Këshillit për Kosovën në Kuvendin e Serbisë Milovan Drecun për RTS, transmeton Koha.net.
Ai ka shtuar se ky transformim nuk do jetë i mundshëm me ndryshimin e Kushtetutës së Kosovës që nuk bëhet pa dy të tretat e shumicës e për këtë nuk ekziston vullneti i serbëve.
Për ndryshimet ligjore mjafton shumica e thjeshtë, ka thënë Drecun duke theksuar se Forcat e Sigurisë të Kosovës tashmë funksionojnë me modelin e NATO-s sipas të cilit organizohet ushtria. FSK është e strukturuar si ushtri, ka helikopterë, shërbimin informativ…
“Do të ndryshohej vetëm forma, shumë shpejt do të bëheshin me këmbësori dhe me automjete të luftës,ato forca tashmë i trajnojnë oficerët e NATO-s, marrin pjesë në ushtrimet që i organizon NATO nëpër disa vende”, ka përfunduar ai.