Karim Benzema është sensacioni i javës në botën e futbollit, duke qenë se asistimi i tij në fitoren ndaj Espanyolit, nuk është diçka që ndodh shpesh.
Sulmuesi i Real Madridit bëri një lëvizje të mrekullueshme duke ia pasuar topin me thembër Casemiros, i cili pastaj e dërgoi topin në rrjetë.
Goli i shënuar ia dhuroi fitoren Realit që në kombinim me barazimin e Barcelonës ndaj Celta Vigos, ua mundësoi Mbretërve që të pozicionoheshin në krye të tabelës me dy pikë më shumë se rivali i përbetuar.
Karim Benzema
What an incredible assist pic.twitter.com/VM1avJLlRH— Unruly Gully🇰🇪 (@TomJr254) June 28, 2020
Francezi është treguar modest në deklaratën pas ndeshjes duke thënë se gjithçka shkoi mirë për faktin se kolegu i tij e përfundoi suksesshëm aksionin.
Ndërkaq, një statistikë e publikuar nga AS pohon se katër nga nëntë asistimet e fundit me thembër nga një lojtar i Realit në La Liga i ka bërë pikërisht Benzema. /Telegrafi/