Sulmuesi i Real Madridit, Karim Benzema thuhet se ka në mendjen e tij të fitojë çmimin e madh individual ‘Pichichi’, i cili i jepet golashënuesit të sezonit në La Liga.
Goli i tij kundër Granadas të mërkurën e çoi atë në krye të listave të golashënuesve në La Liga së bashku me Iago Aspas dhe Gerard Moreno.
Të tre lojtarët kanë shënuar nga tetë gola këtë sezon, por Benzema është i vetmi nga tre sulmuesit që nuk ka shënuar penallti.
Rivalët e tij, Aspas dhe Gerard kanë shënuar nga katër gola secili nga penalltia këtë sezon.
As një penallti dhe as një gol nga goditjet e lira, shumica e golave të Benzemas vijnë nga loja e hapur. Në La Liga këtë sezon, ai ka shënuar gjashtë gola me këmbë dhe dy me kokë.
No player has scored more LaLiga goals (8) this season than Karim Benzema.
He's now got four goals in his last three league games for Real Madrid. pic.twitter.com/FYloFOfTzQ
— Squawka Football (@Squawka) December 23, 2020
Tetë golat e francezit në La Liga vijnë së bashku me katër në Ligën e Kampionëve 2020/21. Këto katër gola nuk e vendosin atë në garë me Robert Lewandowski ose Erling Haaland, por ata e lënë atë të qëndrojë në mesin e elitës së Evropës.
Rekordi i Benzemas për një sezon është 32 gola – në sezonin 2011/12 dhe me 12 tashmë këtë sezon, ai është i vendosur të arrijë shifra të ngjashme.
Me Lionel Messin jo në formën e tij të zakonshme për shënimin e golave, Pichichi është një objektiv realist për sulmuesin e Real Madridin. /Telegrafi/