Sulmuesi francez, Karim Benzema ka arritur tashmë shifrën e 300 golave të shënuar me fanellën e Real Madridit.
Real Madridi e mbylli me epërsi 1-0 pjesën e parë ndaj Valencias në kuadër të javës së 20-të në La Liga.
Goli i vetëm për Los Blancos në këtë pjesë u shënua nga Benzema, i cili ishte i saktë nga penalltia në minutën e 44-të.
Ky gol i Benzemas ishte jubilar, pasi francezi tashmë ka shkuar në kuotën e 300 golave nga 584 ndeshje me fanellën e Real Madridit në të gjitha garat.
💯 ➕ 💯 ➕ 💯
⚽ @Benzema has now scored 300 goals as a madridista!#RealFootball pic.twitter.com/4LrIkSqn6P— Real Madrid C.F. 🇬🇧🇺🇸 (@realmadriden) January 8, 2022
Me këtë shifër, ylli francez tashmë bëhet golashënuesi i katërt më i mirë në histori të klubit mbretëror.
Para Benzemas në listën e golashënuesve gjenden Cristiano Ronaldo i pari me 450 gola, Raul Gonzalez i dyti me 323 gola dhe Alfredo di Stefano i treti me 303 gola. /Telegrafi/
3⃣0⃣0⃣@Benzema | #RealFootball pic.twitter.com/fWArHs3gMg
— Real Madrid C.F. 🇬🇧🇺🇸 (@realmadriden) January 8, 2022