Rodrigo Bentancur është suspenduar për tri ndeshje shkaku i kartonit të kuq në Superkupën e Italisë.
Lazio e fitoi trofeun e dytë më të rëndësishëm në Itali në fundjavën që shkoi, duke e mposhtur Juventusin në finalen që u zhvillua në Arabinë Saudite.
Mesfushori uruguaian ishte përjashtuar nga ndeshja në sekondat e fundit, derisa Zonja e Vjetër humbi 3-1 ndaj rivalit nga Serie A.
Bentancur është suspenduar për tri ndeshje shkaku që ishte vërsulur në drejtim të gjyqtarit të katërt të përballjes.
Kjo nënkupton se ai do t’i humbet ndeshjet ndaj Cagliarit, Romës dhe Parmës në fillim të vitit 2020.
Te torinezët janë dënuar edhe drejtorët, Pavel Nedve e Fabio Paratici për sjellje jo korrekte ndaj gjyqtarëve në përfundim të ndeshjes me një gjobë prej pesë mijë eurosh. /Telegrafi/