Mesfushori i Juventusi, Rodrigo Bentancur, ka thënë se Gianluigi Buffon e ka përjetuar shumë keq eliminimin e Italisë nga play-offi i Kupës së Botës.
Azzurrët u eliminuan nga Suedia në ndeshjen play-off, duke e humbur mundësinë që të luajnë në Rusi.
Buffoni e kishte paramenduar pensionimit në këtë garë.
“Italianët e përjetuan shumë keq. Ishte shumë gjë e keqe ta shihje fytyrën e Buffon”.
“Me Juan Cuadradon dhe argjentinasit bëjmë shpesh shaka në lidhje se si do të jetë Kupa e Botës”.
“[Paulo] Dybala dhe [Gonzalo] Higuain bëjnë shaka duke më thënë se kemi grup të lehtë, por ata e dinë që nuk është ashtu”.
“Duhet t’i luash ndeshjet dhe t’i fitosh”.
“Ka qenë shumë e rëndësishme për mua që jam futur në ndeshjet e fundit kualifikuese dhe miqësore, pasi grupi i lojtarëve është shumë garues”.
“Po punoj çdo ditë që të jem në Kupën e Botës”, ka thënë Bentancur. /Telegrafi/