Telegrafi

Ben Emmerson, avokati i Kadri Veselit, mbështetur në Kosovë nga avokati Kujtim Kërveshi

Foto: Arkiv

Zyra e Prokurorit të Dhomave të Specializuara, ka njoftuar se ish –kreu i PDK-së, Kadri Veseli, ka arritur në Hagë.

Lajmin e ka bërë të ditur zëdhënësi i PDK-së, Avni Bytyçi.

Ndërkaq, Ben Emmerson, i cili mbështetet në Kosovë nga avokati Kujtim Kërveshi do të jenë përfaqësuesit ligjorë në Gjykatën Speciale, të ish-kreut të PDK-së, Kadri Veseli.

Bytyçi ka thënë se derisa procedurat ligjore janë duke u zhvilluar, nuk do të ketë deklarata të mëtejshme nga kjo zyrë.

“Siç tha Veseli në deklaratën e tij këtë mëngjes, tani ai është një qytetar privat dhe kërkon që ky status të respektohet. Në këto rrethana, ne nuk jemi në gjendje për t’iu përgjigjur pyetjeve të mëtejshme (rreth gjendjes së tij) nga mediat në këtë kohë”, shkroi Bytyçi, njofton Telegrafi.