Mesfushori i Nicet, Hatem Ben Arfa, ka mohuar raportimet se ka nisur bisedimet për një kalim te kampioni spanjoll, Barcelona.
Ditë më parë nisën të përhapeshin spekulimet se gjiganti katalonas është i vendosur të transferojë mesfushorin, por kjo është mohuar nga Ben Arfa që ka shënuar 17 gola në 33 paraqitje sivjet.
“Nuk jam duke udhëtuar jashtë vendit, që është në kundërshtim me atë që kam lexuar. Jam në Nice. Jam i fokusuar në ndeshjen ndaj Guingampit, sikurse të gjithë bashkëlojtarët. Jam i fokusuar 100 për qind në qëllimet me Nicen”, ka thënë lojtari për faqen e klubit, transmeton Koha.net.
Ben Arfa iu bashkua Nicet në janarin e kaluar pasi u lirua nga Newcastle.
