Ministri i Ekonomisë Kreshnik Bekteshi, sot deklaroi se sektori i turizmit dhe gastronomisë duhet të punojë edhe të dielave, pasi siç tha, duam zhvillimin e turizmit në shtetin tonë dhe duam të tërheqim sa më shumë turistë të huaj, tha sot ministri i Ekonomisë, Kreshnik Bekteshi.
“Sipas Ligjit për Tregti dhe Ligjit për Veprimtari Turistike dhe Gastronomike ne kemi dorëzuar rekomandimet tona, analizat dhe analizat komperative që i kemi realizuar me vendet e rajonit dhe vendet e BE-së”.
“Duke marrë parasysh se duam zhvillimin e turizmit në shtetin tonë dhe duam të tërheqim sa më shumë turistë të huaj, natyrisht Sektori i Turizmit dhe Hotelerisë duhet të punojë të dielave, ndërsa për sektorin e tregtisë, veçanërisht ato me shumicë, mund të bëjmë ndryshime”, tha Bekteshi.
Ndryshe, Ligji që dita e diel të shpallet ditë pushimi në të gjithë vendit, ndodhet në Qeveri, ndërsa më pas do të dorëzohet edhe në Kuvend.